Fjolla Morina feston sot ditëlindjen e saj të 33-të, e në një postim në Instagram bukuroshja kosovare shprehet se ndjehet e bekuar. Ajo nisi të marrë urime që në orët e para të mëngjesit, por ka bërë vetë një postim prekës në Instagram.
Me një foto të publikuar nga fëmijëria, ku shfaqet me të atin e ndjerë, ajo falenderon Zotin dhe të gjithë njerëzit që i kanë qëndruar pranë në ditë të vështira dhe të lumtura.
“Po hap edhe një vit tjetër në jetën time. E bekuar por mbi të gjitha me kokën lart sepse po lë pas një vit ku nuk kanë munguar momente të lumtura, të hidhëruara, gëzime, dështime e sfida. Por të gjitha këto më kanë bërë atë që unë jam sot, një femër e fortë dhe me karakter. Shumë mirënjohëse për të gjithë ata njerëz që më kanë qëndruar pranë në ditë të mira dhe ato të këqija. Sot, unë vetëm dua ta falënderoj Zotin që më dha edhe një vit jetë. Shumë urime përmua. #33 kurrë nuk është dukur kaq mirë”, ka shkruar ajo.