Kryeministri Edi Rama ka publikuar në facebook një video, pjesë e emisionit javor me titull “Njerëz të Padukshëm” të moderatores Anjeza Maja.
Bëhet fjalë për historinë e trishtë të Zenepes dhe Gëzimit, të cilët janë përballur me vështirësi të njëpasnjëshme në jetë.
“Në kohën që unë isha e fejuar, në moshën 27 vjeç, shkoj për të marrë fustanin e nusërisë. Duke udhëtuar me motor, bëj aksident.Gjithçka morri fund aty sepse unë përfundova në një karrige me rrota, aty u mbyll jeta ime“- e nis kështu rrëfimin Zenepja, duke treguar se kjo ngjarje u pasuar nga momente të tjera të vështira që ia vështirësuan ditët, por ajo nuk u dorëzua.
Një ngjarje jo më pak e dhimbshme trazon edhe Gëzimin, bashkëshortin e Zenepes, i cili duke udhëtuar për në greqi aksidentohet rëndë dhe i duhet gjithashtu të lëvizi me karrige me rrota.
“Lumturia s’paska fund”, thotë Zenepe e cila me lot gëzimi në sy jep lajmin se Zoti është i madh dhe e ka bekuar çiftin me një fëmijë, i cili do të vijë së shpejti në jetë.
Ata gjithashtu punojnë në një kopësht ku kujdesen për 97 fëmijë.
/Tirananews.al