Mbrëmjen e djeshme policia e Elbasanit njoftoi arrestimin e dy personave që vodhën rreth 2 milionë lekë të reja në shtëpinë e një biznesmeni në Peqin. Madje ata ishin miq të biznesmenit, pronar i një pike karburanti në aksin rrugor Elbasan-Peqin.
Sipas pamjes së kamerave, Meridian Hoxha 30 vjeç, dhe Dervish Hoxha, 23 vjeç kanë shkuar në shtëpi me pretekstin për të takuar biznesmenin Zija Hoxha, raporton “Panorama”. Njëri prej tyre ka mbajtu me bisedë gruan e biznesmenit, teksa tjetri ka arritur të gjejë vendin ku ndodhej kasaforta dhe ka marrë prej andej 20 milionë lekë të vjetra.
Pasi kanë përfunduar misionin e tyre, me pretendimin se pronari i karburantit të cilin ato prisnin nuk po vinte, ata janë larguar. Pas rreth dy orësh, pronari ka konstatuar mungesën e parave në kasafortë. Pasi bisedon me bashkëshorten e tij, hedhin dyshimet se dy miqtë dhe njëkohësisht bashkëfshatarët e tyre u kanë vjedhur paratë. Pas kësaj, ata kanë lajmëruar Policinë, e cila ka nisur menjëherë hetimet.
Dy të dyshuarit janë shoqëruar fillimisht në Komisariat, por kanë pranuar se janë autorë të vjedhjes. Por, me anë të këqyrjes së pamjeve nga kamera e sigurisë që biznesmeni kishte të instaluara në pikën e karburantit është bërë i mundur identifikimi i tyre. “Policia në kohë rekord zbardh ngjarjen, identifikon dhe arreston autorët e dyshuar të vjedhjes së një banese ndodhur mbrëmjen e djeshme.