Gjakut të Tim Friede, një burrë nga SHBA që për më shumë se 18 vjet e ka injektuar veten me helm gjarpërinjsh, i është atribuar krijimi i një antihelmi të jashtëzakonshëm, që mund të mbrojë nga helmet e shumë llojeve gjarpërinjsh, thonë shkencëtarët.
Antitrupat që gjenden në gjakun e Tim Friede janë testuar në kafshë dhe kanë treguar se mund të mbrojnë nga doza fatale helmesh të shumë llojeve të gjarpërinjve.
Aktualisht, terapitë për pickimin e gjarpërinjve krijohen për çdo lloj gjarpri të veçantë, por misioni 18-vjeçar i Tim Friede mund të hapë një rrugë për gjetjen e një antihelmi që mund të përdoret për të gjitha pickimet e gjarpërinjve që shkaktojnë deri në 14,000 vdekje çdo vit dhe lënë shumë të tjerë me pasoja.
Në total, Tim Friede ka përjetuar më shumë se 200 pickime nga gjarpërinj dhe ka marrë mbi 700 injeksione helmesh që ai i ka përgatitur vetë nga disa nga gjarpërinjtë më të rrezikshëm të botës, përfshirë mambat, kobrat, taipanët dhe kraitët.
Fillimisht, ai dëshironte të krijonte imunitet për t’u mbrojtur kur trajtonte gjarpërinj, duke dokumentuar përpjekjet e tij në YouTube. Por ai tha se kishte pasur probleme serioze kur dy pickime nga kobra e lanë në koma, shkruan BBC.
“Unë nuk doja të vdisja, nuk doja të humbisja as ndonjë gisht e as punën,” tha ai për BBC-në. Shkaku i përpjekjeve të tij ishte të ndihmonte zhvillimin e terapive më të mira për botën, duke shpjeguar se “u bë një stil jetese dhe vazhdova të shtyja sa më fort që mundesha për ata që janë 8,000 milje larg dhe vdesin nga pickimi i gjarpërinjve.”
Terapitë aktuale krijohen duke injektuar doza të vogla helmesh gjarpërinjsh në kafshë, si kuaj, për t’i ndihmuar ato të krijojnë antitrupa. Këta antitrupa më pas përdoren si terapi për njerëzit që kanë pësuar pickime gjarpërinjsh. Megjithatë, helmi dhe terapia duhet të përputhen ngushtë, sepse toksinat e helmit ndryshojnë nga një specie në tjetrën.
Një grup kërkuesish filluan të kërkojnë një lloj mbrojtjeje imune që quhet “antitrupa neutralizues të gjerë”. Këta antitrupa synojnë pjesë të përbashkëta të toksinave që gjenden në shumë lloje gjarpërinjsh.
Në eksperimentet me mi, ky koktej ndihmoi kafshët të mbijetonin nga doza fatale të 13 prej 19 specieve të gjarpërinjve helmues. Ata kishin mbrojtje të pjesshme nga gjashtë të tjerët. Ky është një “mbrojtje të paekzemplar”, sipas Dr. Glanville, i cili tha se “kjo mund të mbulojë shumë lloje gjarpërinjsh që aktualisht nuk kanë terapi.”