Është gati e pamundur që aty ku ka drogë, të mos ketë shqiptarë. Mesa bëjnë me dije mediat e huaja, “bosi” i kokainës Daniel Joseph Kinahan ka bashkëpunuar ngushtë me një shqiptar, për të bërë të mundur transportimin dhe shpërndarjen e kokainës nga Amerika Latine në Bashkimin Evropian. Madje përveç shqiptarit, Kinahan bashkëpunonte edhe me shefin e një bande serbe.
Të dy përkrahësit e “perandorit” irlandez të drogës lidhen me bandat e tjera për t’u siguruar që “e bardha” të kalojë përmes porteve përpara se të shkojë në Mbretërinë e Bashkuar, Irlandë dhe gjetkë.
Ndërkohë, mësohet se Shtetet e Bashkuara të Amerikës kanë vendosur një shpërblim të majmë prej 5 milion dollarësh për Dubliner Kinahan, si dhe e ka sanskionuar atë bashkë me babain e tij, Christy Snr dhe vëllain Christy Jnr.
Shumë dyshojnë se Kinahan fshihet në Dubai. 44-vjeçari, kishte krijuar një marrëdhënie me Dairo Antonio Usuga, i njohur më mirë si Otoniel, dhe kartelin e tij Gulf Clan në Kolumbi, i cili ishte furnizuesi kryesor i kartelit me narkotikë nga Amerika e Jugut. Daniel Joseph Kinahan është një bos bandash me reputacion irlandez dhe promovues boksi nga Dublini . Ai është emëruar nga Gjykata e Lartë e Irlandës si një figurë e lartë në krimin e organizuar në shkallë globale.