Insider përpiloi një listë me gjashtë qytete ku mund të jetoni rehat me 1000 dollarë në muaj , duke përdorur të dhënat nga faqja e krahasimit Numbeo, e cila ofron një përmbledhje të kostos së jetesës në qytetet kryesore anembanë botës.
Buenos Aires, Argjentinë
Buenos Aires, kryeqyteti i Argjentinës, ofron ushqim të jashtëzakonshëm, jetë nate të gjallë dhe kënaqësi të panumërta kulturore. Dhe është gjithashtu një nga vendet më të lira në listë, me një apartament në qendër të qytetit dhe shpenzimet e jetesës që vijnë në rreth 730 dollarë në muaj.
Santiago, Kili
Santiago ofron pamje panoramike të jashtëzakonshme të Andeve, një kulturë kozmopolite dhe një kosto relativisht të lirë jetese, kështu që nuk është çudi që rreth 35% e popullsisë së vendit jeton në kryeqytet. Në Santiago, 1000 dollarë mjaftojnë për t’u marrë një apartament pranë qendrës dhe për të mbuluar shpenzimet tuaja të jetesës.
Sofje, Bullgari
Bullgaria njihet si një destinacion feste, por vendi ka shumë më tepër për të ofruar, me katedrale dhe kisha të bukura, interes të fortë historik dhe sfond. Cilësia e jetës në kryeqytetin bullgar është e krahasueshme me Parisin, por kostoja e jetesës është shumë më e lirë në Sofje, me 1000 dollarë në muaj që mjaftojnë për shpenzimet tuaja të akomodimit dhe të jetesës.
Bursa, Turqi
Bursa është qyteti i katërt më i madh i Turqisë dhe shpesh quhet “Bursa e gjelbër”, për shkak të parqeve dhe kopshteve të shumta. Burimet e shumta të squfurit që rrethojnë qytetin dhe malet e famshme Uludağ e bëjnë qytetin një vend të mrekullueshëm për adhuruesit e natyrës. Një apartament pranë qendrës së qytetit dhe shpenzimet e jetesës do t’ju kushtojnë rreth 650 dollarë në muaj.
Monterrey, Meksikë
Ky qytet i bukur me pak më shumë se 1 milion banorë mund Parisin dhe Milanin. Ai ka fituar një reputacion si qyteti më progresiv në Meksikën veriore dhe është gjithashtu një qendër e rëndësishme industriale. Një apartament me një dhomë gjumi jashtë qendrës së qytetit dhe shpenzimet e jetesës do t’u kushtojnë rreth 900 dollarë në muaj. Nëse dëshironi një apartament në qendër të qytetit, do t’u kushtonte pak më pak se 1100 dollarë në muaj, duke përfshirë shpenzimet e jetesës.
Cape Town, Afrika e Jugut
Me ujërat e tij të qarta blu, motin e mrekullueshëm dhe malin ikonik Table që ngrihet mbi qytet, Cape Town është një vend vërtet spektakolar. Këtu ju mund të merrni me qira një apartament me një dhomë gjumi jashtë qendrës dhe të mbuloni shpenzimet e jetesës për 1000 dollarë në muaj. Për ata që kërkojnë të jenë në qendër të qytetit, do të kushtojë rreth 1250 dollarë në muaj për qiranë dhe shpenzimet e jetesës.