Është mësuar se Grupi Parlamentar i Partisë Demokratike do të zhvillojë një tjetër mbledhje e cila do të jetë e dyta brenda ditës së sotme. Mbledhja e parë e cila nisi pak me parë, u ndërpre pasi në sallë hyri Sali Berisha dhe deputetët e tjerë të përjashtuar të cilët nuk ishin thirrur të merrnin pjesë në të. Ndërkohë, mbledhja e dyte është programuar të mbahet pas përfundimit të seancës plenare.
Kujtojmë se pas mbledhjes së parë, kreu i Grupit Parlamentar të Partisë Demokratike, Enkelejd Alibeaj deklaroi se pas vendimit të gjykatës, ajo që po ndodh në selinë blu është “atmosferë pushtimi”. Ai vijoi më tej dhe tha se duhen dhënë sinjale bashkimi, por ato nuk mund të jepen duke ardhur, sipas tij, në mënyrë të dhunshme në mbledhjen e grupit siç bëri Berisha. Alibeaj tha se Berisha nuk është pjesë e grupit parlamentar.