Kreu i PD Sali Berisha po zhvillon sot një tryezë diskutimi me përfaqësues të biznesit të vogël dhe të mesëm në vend, për t’u njohur me problematikat e tyre.
Në këtë tryezë janë të pranishëm deputetë, ekspertë dhe përfaqësues të biznesit të vogël dhe të mesëm.
Në këtë tryezë janë të pranishëm deputetë, ekspertë dhe përfaqësues të biznesit të vogël dhe të mesëm.
Albert Nasto, kryetari i shoqatës së biznesit të vogël dhe të mesëm, u shpreh se po kalojnë një krizë të madhe dhe se gjatë qeverisjes së Edi Ramës janë mbyllur shumë prej tyre.
“Jemi në një krizë, në kufirin e mbijetesës, gjendja është e vështirë. Gjatë 9 viteve të qeverisjes së Ramës janë mbyllur shumë biznese, shifër alarmante dhe këmbanën e të cilës duhet ta dëgjojnë ata që na qeverisin, por dhe ne me njeri-tjetrin.Aksionet e 2015 u mbyllën shumë subjekte si pasojë e reprezaljeve të qeverisë Rama. Janë disa gjëra që nuk kanë favorizuar biznesin e mesëm dhe të vogël, por vijon edhe sot të mos favorizojë plani i hartuar nga oligarkët, të cilët kanë një plan për të shkatërruar biznesin.
Ky është projekt që po zbatohet nga Rama me çdo presje, por nuk është vetëm i oligarkëve por dhe i fuqive anti-shqiptare që veprojnë për të shkatërruar ekonominë e këtij vendi”, tha ai.