Flamur Noka deklaron se kryeministri Edi Rama duhet të japë dorëheqjen pas publikimit të lidhjes me Charles McGonigal, ish-zyrtar i FBI i arrestuar nga autoritetet amerikane.
Sekretari i Përgjithshëm i PD shkruan se në seancën plenare të ditës së nesërme, deputetët demokratë do të kërkojnë që shefi i qeverisë të japë llogari për atë që ai e quan “aferën antishqiptare me McConigal”.
“Askush nuk mund të marrë peng parlamentin. Rama do të thirret në debat për të dhënë llogari për aferën antishqiptare me McConigal. Të dorëhiqet menjëherë para shqiptarëve! Ne si grup parlamentar e kemi detyrë të madhe dialogun intensiv me zgjedhësit tanë, që t’u qartësojmë gjithçka. Ky revolucion nuk do dështojë kurrë. Ky revolucion do të njohë vetëm fitore. Do e shpëtojmë Shqipërinë nga Edi Rama”, shkruan Noka.