Banka Qendrore Europiane dhe amerikane paralajmërojnë rritje të mëtejshme të normave të interesit. Vendimi i parë mund të merret në korrik, teksa drejtuesit thonë se presionet në tregje për paga dhe çmime të larta janë ende të forta
Drejtuesit e bankave qendrore në SHBA dhe Europë japin sinjale për rritje të mëtejshme të normave të interesit, nisur nga presionet në tregje për paga dhe çmime të larta.
Krerët e Rezervës Federale të SHBA-së, Bankës Qendrore Evropiane dhe Bankës së Anglisë paralajmëruan në një konferencë në Portugali, se mund të nevojiten më shumë veprime për të ulur inflacionin drejt objektivave rreth 2 për qind, por nga ana tjetër rritja e normave mund të shkaktojë recesion ose krizë financiare.
Rezerva Federale Amerikane mund të rrisë normat e interesit në takimin e ardhshëm në korrik, dhe mundësitë për këtë vendimmarrje janë shumë të larta.
Edhe investitorët presin që Bankat të rishikojnë politikën monetare disa herë në muajt e ardhshëm, veçanërisht pasi rritja ekonomike ka qenë e ngadaltë, tregjet e punës janë ende shumë të shtrënguara dhe pagat janë rritur me shpejtësi.
Inflacioni ka qenë në rënie në SHBA dhe në Eurozonë, por duke përjashtuar çmimet e energjisë dhe ushqimeve, rënia ka qenë shumë e ngadaltë.