Ish-kryeministri ka deklaruar se nuk do të ketë hapje negociatash për vendin. I ftuar në emisionin “Aktualitet”, Berisha tha se nuk do të ketë hapje negociatash pasi Shqipëria ka në krye në “bos droge.”
“BE nuk pranoi që të ndajë Maqedoninë e Veriut dhe Shqipërinë. Por këto vende u ndanë më në fund. Tani kanë mbetur jashtë negociatave vetëm dy vende. Shqipëria dhe Bosnje Hercegovina.Shqipëria ka në krye një bos droge. Një qeveri atë mafies së drogës. Krimi shqiptar është i frikshëm për një seri vendesh të Bashkimit Europian. Kjo është arsyeja pse ata shpallin krimin shqiptar si një problem madhor të vendit. Kjo është situata dhe ky qëndrim, më vjen keq që gjatë këtyre viteve nuk do të bëj profetin por çdo vit u kam thënë shqiptarëve që negociatat nuk hapen.
Shqipëria ka shanse të mëdha për tu përjashtuar përfundimisht nga procesi i negociatave. Ka në krye një njeri që bën të kundërtën e asaj që kërkohet. Një njeri që nuk mbështet interesat e kombit po të krimit. Kjo qeveri nuk mund të ketë një vend në rrugën drejt BE-së. Maqedonia është një vend shumë herë më funksional, me standarde demokratike, me zgjedhje të pranueshme, por për të mos lënë buzë humnerës Shqipërinë, shtynë procesin për Maqedoninë, por tani e lanë Shqipërinë jashtë procesit.”– tha Berisha.