Kryetari i zgjedhur i Akademisë së Shkencave, Skënder Gjinushi i ftuar në “Repolitix” tregoi bisedat me presidentin Ilir Meta.
Sipas Gjinushit, ai nuk ka pasur asnjë dijeni lidhur me mosdekretimin e tij nga presidenti Meta pasi kishte folur me të më parë duke e paralajmëruar që të mos e bënte.
“I kam dhënë mos e ço baltën e politikës tek Akademia e Shkencave. Ia kam çuar edhe me mesazh. E kisha të papritur vendimmarrjen e sotme. Ky është një veprim dramatik, jo për mua, por shtetin ligjor. Emërimi është formal. Ia kam thënë Metës, që Kushtetutën e kemi shkruar vetë”, tha ai.
Presidenti Ilir Meta nuk emëron Skënder Gjinushin në krye të Akademisë së Shkencave. Me anë të një dekreti presidencial, Meta “zbulon” se Gjinushi ishte kryetar partie kur u zgjodh në krye të ASH.