Tashmë edhe Amerika është në gjendje të jashtëzakonshme, si shumë shtete të tjera për t’i bërë ballë koronavirusit, duke mbyllur shumë institucione dhe duke këshilluar njerëzit të evitojnë daljet e panevojshme.
David DeLoach kishte shkuar të vizitonte të ëmën në shtëpinë e të moshuarve, por nuk e lejuan ta takonte, nga frika e virusit.
Ai ishte aq i vendosur që ta shikonte të ëmën, saqë mendoi një ide kreative për ta bërë që të dilte në ballkon. Improvizoi një mini koncert me kitarë, duke kënduar “Somewhere over the rainbow”.
Një serenatë e ndjerë për të ëmën që preku jo vetëm atë por dhe shumë të moshuar të tjerë që qëndronin në strukturë.