“Nuk ekziston asnjë presje që të ketë një vërejte apo kritike për presidentin e Republikës në raportin e Komisionit të Venecias”. Kështu deklaron në një dalje publike për mediat presidenti Ilir Meta sa i takon raportit të publikuar nga “Venecia” për Gjykatën Kushtetuese.
Sipas kreut të shtetit, opinioni sqaron në mënyrën më të kristaltë të gjitha raportet e institucioneve të përfshira në këtë debat për çështjen e emërimeve në Gjykatën Kushtetuese.
“Nuk mund të kemi asnjë reagim për ata që nuk e kanë lexuar mirë se çfarë thotë raporti i Komisionit të Venecias. Për KED, parlamentin dhe shumë aspekte të tjera. Është e qartë se Komisioni i Venecias, i sqaron në mënyrën më të kristaltë të gjitha raportet e institucioneve të përfshira në këtë debat për këtë çështje. Nuk ekziston asnjë presje që të ketë një vërejtje apo kritike për presidentin e Republikës. Nuk do doja që të lexoja këtu për KED, apo kryetarin e saj, apo për institucione të tjera. Po kështu, të vetmen ide që nuk e kundërshtoj dot për ndryshime kushtetuese nga ky Kuvend që janë renditur nga Venecia, është që unë si presidentin nuk e kundërshtojë dot është që presidenti të zgjidhet nga populli.”, tha Meta.