Ambasadorët e QUINT-it zhvilluan këtë të martë një takim përreth dy orë me kryeministrin e Kosovës, Albin Kurti. Ajo që ra në sy ishte përfaqësimi i Shteteve të Bashkuara të Amerikës në nivel zëvendës ambasadori, pasi në takimin me Kurtin nuk ishte i pranishëm zoti Jeffrey Hovenier.
Pas përfundimit të takimit, përfaqësuesit diplomatik të SHBA-ve, Francës, Italisë, Gjermanisë dhe Britanisë së Madhe nuk u prononcuan për mediat.
Ky zhvillim vjen pasi ambasadorët e QUINT-it nuk morën pjesë në pritjen shtetërore të organizuar nga kryeministria, presidenca dhe kuvendi ne 24 vjetorin të çlirimit të Kosovës.