SHÇBA ka pezulluar efektivin Ardit Zenelaj i cili u përfshi në një konflikt me dy policë bashkiakë deri në përfundimin e hetimeve.
Sipas njoftimit të këtij institucioni “Drejtoria e Përgjithshme e SHÇBA pas marrjes në dijeni të një konflikti të ndodhur mes një punonjësi të SHÇBA dhe disa punonjësve të Policisë Bashkiake Tiranë, vendosi pezullimin nga detyra, si edhe fillimin e ecurisë disiplinore për shkelje të rëndë ndaj Nd/specialistit të përfshirë në këtë konflikt, me detyrë Trupë Shërbimi pranë Drejtorisë së Përgjithshme të SHÇBA, deri në përfundim të hetimit dhe zbardhjen e rrethanave të ngjarjes”.
Paraditen e sotme Zenelaj nuk iu bind urdhrit të kolegëve të policië bashkiake duke i kanosur ata.