Kontrata e lobimit në SHBA e Partisë Demokratike ka shërbyer si “mollë sherri” mes sekretarit të përgjithshëm të PD-së, Gazment Bardhi dhe ish deputetit socialist Alfred Peza.
Bardhi e akuzoi Pezës se nuk është korrekt me deklarimet, ndërsa ky i fundit i është përgjigjur duke e quajtur “buzëqumësht politik”.
Debati:
Gazment Bardhi: Me deklarimet e pasurisë nuk je shumë korrekt…
Alfred Peza: O zoti Bardhi, përsërite dhe njëherë atë çfarë thatë
Gazment Bardhi: Deklarimet, nuk je shumë korrekt me deklarimet…
Alfred Peza: Kush nuk është korrekt? Tregohu burrë njëherë në jetën tënde, më shif në sy meqë ju digjet shumë barku për shqiptarët dhe dilni në protesta se iu kanë vjedhur zgjedhjet. Të dashur demokratë, qytetarë shqiptarë vetëm një ditë pasi kanë përfunduar zgjedhjet e 2017 numri dy i PD firmos këtë udhëzim që dyfishon tarifat përmbaruese…
Gazment Bardhi: Gënjeshtër… Ti ke thënë njëherë e kam pas rrogën 800 mijë pastaj, ke thënë e kam pas rrogën 8 milionë lekë.
Alfred Peza: O Fevzi, është aq i ri dhe aq buzëqumësht politik sa nuk përballon dot presionin e debatit dhe gjithmonë shkon poshtë brezi. Ca ke me poshtëbrezin tim ti mor vlla, lëre ore rehat.