Sipërfaqja e tij është vetëm 160 kilometra katror, por është shteti më i pasur në Europë. Fjala është për Lihteshtajnin, i cili ka 300 vite që është shpallur principatë e pavarur dhe sot banorët e tij janë më të pasurit në botë në raport me PBB për kokë. Popullsia e Lihtenshtajnit është 40 mijë banorë, por ky vend nuk ka as aeroport dhe as system hekurudhor. Qytetarët udhëtojnë autobusë, i vetmi mjet transporti publik. Si ka arritur një shtet kaq i vogël të jetë ndër më të pasurit? Sekreti qëndron tek taksat, pasi Lihtenshtajni ka taksimin më të ulët në kontinent. Kjo është edhe arsyeja pse shumë biznese të mëdha kanë hapur zyrat në kryeqytetin e vendit, Vaduz.
