Një incident ka ndodhur gjatë një tubimi të PDK-së në Raushiq të Pejës.
Burime të KALLXO.com thonë se ka pasur përleshje fizike gjatë kuvendit zgjedhor të PDK-së në këtë fshat.
Sipas të njëjtit burim, gjatë këtij kuvendi zgjedhor L.V. ka sulmuar fizikisht bashkëfshatarët, duke hedhur karrige e duke sharë.
Megjithatë, nuk ka informacione për ndonjë të lënduar.
Një anëtar i PDK-së, i pranishëm në tubimin e djeshëm zgjedhor, është shprehur se nuk ka pasur ndonjë përleshje, por vetëm debate.