Nuk kanë ndërmend të ndalen hakerat iranianë.
Këtë radhë ata janë zhvendosur në zyrën e Policisë së Shtetit dhe këtë herë kanë publikuar të gjitha të dhënat personale të kryepolicit, Muhamet Rrumbullaku. Në dosjen me 7 faqe prej 836 K shihen të gjitha pasaportat e ndërruara nga Rrumbullaku si dhe të dhënat e anëtarëve të familjes së tij. Por, iranianët nuk janë janë ndaluar me kaq.
Ata kanë publikuar edhe hyrje-daljet e kreut të Policisë së Shtetit, përfshirë dhe fluturimet, katër prej të cilave Rrumbullaku rezulton t’i ketë kryer me çarter. Rrumbullaku është drejtori i dytë i PSH-së që “zhbirohet” nga hakerat, pas Gledis Nanos, me të cilin iranianët nisën dhe sulmet e para.