Padia e kryeministrit Edi Rama në adresë të ish-homologut të tij, Ramush Haradinaj ka mbërritur në gjykatën e Prishtinës. Ky i fundit, i ftuar në emisionin “Çim Peka LIVE”, është shprehur se do të përballet me Ramën në Gjykatë.
Harandinaj premtoi se do t’i përgjigjej kreu të qeverisë Rama ashtu siç i takonte, duke e akuzuar sërish se ka punuar për ndarjen e Kosovës.
“Kam dëgjuar se ka mbërritur në gjykatë. Ende nuk ka ardhur me rend dite për shqyrtim. Në Kosovë pritja mund të marrë kohë. Do ta kryej detyrën time në bazë të ligjit dhe do t’i përgjigjem. Edhe zotit Rama do t’i përgjigjem ashtu siç i takon. Ai ka punuar për ndarjen e Kosovës dhe kjo është shumë pak”, tha Haradinaj.