Kina ka përsëritur kërcënimin e saj për përdorimin e forcës ushtarake për marrjen e kontrollit të Tajvanit, teksa tensioni mes dy vendeve është në nivelin më të lartë në vitet e fundit. Pekini do të punojë me sinqeritetin më të madh dhe do të bëjë përpjekje që ribashkimi të arrihet në mënyrë paqësore.
Në deklaratë theksohej se nuk përjashtohej mundësia e përdorimit të forcës dhe ndërmarrjes së masave të nevojshme. Sipas Kinës, këto lëvizje kërcënuese të saj janë nxitur nga vizita e kryetares së Dhomës së Përfaqësuesve, Nancy Pelosi, e cila qëndroi në Tajvan javën e kaluar.
Ditën e djeshme, ministri i Jashtëm i Tajvanit, Joseph Wu deklaroi se Kina po përdor stërvitjet ushtarake si një justifikim për t’u përgatitur për një pushtim të ishullit të vetëqeverisur.