Deputeti i PD, Gazment Bardhi ka reaguar pas vendimit të kryekomisionerit Ilirjan Celibashi për të mos regjistruar në zgjedhje PD e drejtuar nga Alibeaj.
Nëpërmjet një postimi në rrjetet sociale, Bardhi shkruan se Celibashi nuk meriton respekt dhe se ka humbur besimin e PD për të administruar procesin zgjedhor.
Sipas tij, kryekomisioneri ka shkelur ligjin për qëllime politike, teksa paralajmëron se ky vendim do të ankimohet në KAS.
“Asnjë njeri i shantazhueshëm dhe që nuk respekton ligjin, nuk meriton asnjë respekt. Ilirjan Celibashi ka humbur besimin e PD për të administruar procesin zgjedhor. Ai shkeli rëndë ligjin, për qëllime politike. Vendimi do të ankimohet menjëherë në KAS”,-shkruan Bardhi.