Pas vendimit të qeverisë për të mbyllur kolegjin turk “Mehmet Akif”, nxënëset janë ngritur në protestë. Me pankarta në duar me parulla kundër qeverisë, nxënësit pohuan se në 3 minuta që është marrë vendimi nga Ministria e Arsimit, janë shkatërruar 3 vite sukses.
“Kur marrim ne medalje nëpër botë, krenoheni me ne kolegjistët. Nëse doni të shkatërroni një vend, nuk është e nevojshme bomba, por të shkatërroni arsimin. Kështu na erdhi si bombë ky lajm. Dje i dhatë goditje fatale arsimit. Sot jemi më të vendosura se kurrë, ne nuk dorëzohemi. Shkollën s’mund të na e merrni. Anuloni vendimin kundër shkollës “Mehmet Akif”.”, tha një prej nxënësve protestuese.
Një tjetër nxënëse e përlotur, është shprehur se ëndrrat asaj dhe kolegeve në shkollë po ua mbyllin në sirtar. “Na thanë duajeni kombin por po na përzënë. Ëndrrat na i mbyllin në sirtar, arsimdashësit në një zë! 3 minuta thonë dhe dritën keni për të parë”.