Operatori i Blerjeve të Përqendruara (OBP) ka hapur thirrjen për aplikime për ekspertë të jashtëm dhe laboratorë të akredituar, të cilët do të angazhohen pranë institucionit sipas fushave përkatëse të ekspertizës.
Në njoftimin e publikuar nga OBP bëhet me dije se kërkohen profesionistë me njohuri dhe përvojë të specializuar, të cilët mund të kontribuojnë në trajtimin e çështjeve që kërkojnë ekspertizë të posaçme.
Sipas OBP-së, përfshirja e ekspertizës së jashtme synon të ndihmojë në rritjen e cilësisë dhe efikasitetit të proceseve të prokurimit të përqendruar.
Të interesuarit mund të aplikojnë përmes faqes zyrtare të Operatorit të Blerjeve të Përqendruara, në kategorinë “Njoftime”, ose direkt përmes këtij linku:
https://obp.al/njoftim-per-aplikim-per-eksperte-te…/
Afati i aplikimit është deri më 1 shtator 2026.
Thirrja u drejtohet profesionistëve dhe laboratorëve që disponojnë ekspertizë në fushat e përcaktuara në njoftim dhe që plotësojnë kriteret përkatëse për angazhimin pranë OBP-së.