Organizata Botërore e Shëndetësisë thotë se rastet ditore në Europë po rriten për herë të parë prej muajsh.
Siç raporton BBC, 30 vende kishin raste në rritje, dhe në 11 vende është përshpejtuar transmetimi duke çuar në një “ringjallje shumë domethënëse”, tha drejtori rajonal Hans Henri Kluge. Në këto 11 vende përfshihet edhe Shqipëria e cila dita-ditës po shënon rritje të rasteve ditore.
Të 11 vendet dhe territoret janë Armenia, Suedia, Moldavia, Maqedonia e Veriut, Azerbajxhani, Kazakistani, Shqipëria, Bosnja dhe Hercegovina, Kirgistani, Ukraina dhe Kosova.