Shqipëria dhe Maqedonia e Veriut u ulën sot në Bruksel në të njëjtën tryezë me vendet anëtare, në konferencën e parë ndërqeveritare, duke shënuar kështu nisjen e proçesit të bisedimeve për anëtarësim, pas një kalvari të gjatë pritjeje, zvarritjesh dhe pengesash. Shkupi priste prej 17 vjetësh, ndërsa Tirana kishte 8 vite.
Deputeti i PD-së, Oerd Bylykbashi i ftuar sot në emisionin ‘Debat’ komentoi hapjen e negociatave nga BE për Shqipërinë dhe Maqedoninë e Veriut.
Ai u shpreh se ky është një lajm shumë i mirë për Shqipërinë edhe pse duhet të kishte ndodhur më parë. Bylykbashi theksoi se tashmë BE-ja do t’i vërë lakun qeverisë.