Bazuar në një deklaratë të një zyrtari të agjencisë ushqimore të Organizatës së Kombeve të Bashkuara, afro 25 milionë ton drithëra janë bllokuar në Ukrainë për shkak të sfidave të infrastrukturës dhe porteve të bllokuara të Detit të Zi, duke përfshirë Mariupolin, njofton skynews.
Vlen të përmendet se Ukraina ka qënë eksportuesi i katërt më i madh në botë i misrit në sezonin 2020/21 dhe eksportuesi i gjashtë i grurit, sipas asaj që tregojnë të dhënave të Këshillit Ndërkombëtar të Drithërave.
“Është një situatë e vështirë. 25 milionë ton drithëra që mund të eksportohen, por që nuk mund të largohen nga vendi thjesht për shkak të mungesës së infrastrukturës dhe bllokimit të porteve,” deklaroi Josef Schmidhuber, zëvendësdrejtor i FAO në një konferencë për shtyp.
Gjithashtu, si shtoi se mbeten shqetësues raportet se disa depo drithërash janë shkatërruar për shkak të luftimeve në Ukrainë, por pa dhënë më shumë detaje rreth kësaj çështjeje.