Komisioneri i Bashkimit Evropian për Zgjerimin, Oliver Varhelyi do të zhvillojë një tur në rajonin e Ballkanit, ku pjesë e ndalesave të tij do të jetë edhe vendi ynë. Mësohet se ai do të vizitojë Shqipërinë më datë 28 prill.
Varhelyi do t’i nisë takimet e tij më 25 prill dhe do t’i përfundojë ato më datë 28, si duket në Tiranë. Përveç Tiranës, Komisioneri i Bashkimit Evropian për Zgjerimin do vizitojë Zagrebin, Shkupin dhe Sofjen, ku edhe do flitet lidhur me samitin BE-Ballkan në Sofje.
Më 25 shkurt Varhelyi njoftoi zbatimin e paketës së parë të Planit Ekonomik për vendet e Ballkanit Perëndimor.
“Ne po lançojmë sot paketën e parë thelbësore sipas planit ambicioz ekonomik dhe investues të BE-së prej 30 miliardë eurosh për Ballkanin Perëndimor”, shkroi Varhelyi në rrjetin social “Twitter”.
Ndër të tjera ai shtoi se janë 21 projekte të lidhjes së transportit, digjitalit, klimës + energjisë, me vlerë 3.2 miliardë euro, me 1.1 miliardë euro grante të BE-së.