Alban Dyrmishi, ish-konkurrenti i “Përputhen” është përjashtuar nga formati i përjavshëm. Shkak për këtë është bërë një intervistë. Lidhur me largimin e tij, ish-konkurrenti ka reaguar menjëherë në rrjetet sociale, duke hedhur akuza mbi autoren e “Përputhen”, Olsa Muhametin.
Sipas tij, intervista nuk ka qenë arsyeja e vërtetë e largimit. Albani ka deklaruar se shkak për vendimin është bërë mosdakortësia e tij me inskenimet e situatave dhe çifteve në format. Ai ka përdorur edhe terma ofenduese, si pjesë të reagimit të tij në rrjet.
Kontaktuar nga “Neës31.al“, Olsa Muhameti ka sqaruar si qendron e vërteta. “Albani ka thyer rregullat, ndaj edhe u përjashtua. Për sa kohë janë brenda programit, janë imazh i “Përputhen” dhe menaxhohen nga produksioni. Ai ka dhënë një intervistë pa marrë lejen e produksionit. Ka një kontratë që ia ndalon. Duhet të kishte kërkuar leje, produksioni e vlerëson nëse vlen si intervistë apo jo”, ka sqaruar Olsa ekskluzivisht për “News31”.
Autorja e “Përputhen” ka theksuar gjithashtu se Albani ka qenë në dijeni të mënyrës se si proçedohet, por thjesht ka preferuar ta anashkalojë.