Olsi Rama shkon sërish në SPAK: Shpjegimet e mia i dhashë aty brenda, isha si person që kam dijeni

Olsi Rama, vëllai i kryeministrit, Edi Rama këtë të premte u paraqit sërish në SPAK. “Isha në SPAK si person në dijeni, shpjegimet e mia i dhashë aty brenda”, deklaroi ai pas daljes nga SPAK. Herën e fundit që vëllai i kryeministrit u paraqit pranë Prokurorisë së Posaçme ishte 28 qershori i këtij viti. Herën e kaluar ai mohoi çdo lidhje me bosët e dosjes “Xibraka”, ndërsa dha një shpjegim për përdorimin e një mjeti për të cilin është akuzuar publikisht nga Gazment Bardhi.