Në seancën e sotme plenare në Kuvendin e Shqipërisë, Prokurori i Përgjithshëm Olsian Çela ka bërë raportin për kriminalitetin në vend, për vitin 2020.
Gjatë fjalës së tij ai u shpreh se viti 2020 ka qenë një vit i vështirë edhe për shkak të pandemisë Covid.
“Viti që kaluar ishte mjaft i vështirë dhe krijoi probleme. Në 2020 numrin më të madh të procedimeve e ka regjistruar Prokuroria e Gjykatës së Shkallës së parë Tiranë”, tha Çela.
Ai gjithashtu shtoi se vjedhjet zënë numrin më të lartë të veprave penale.
“Synojmë uljen e ngarkesës së panevojshme për Prokuroritë duke trajtuar problemin që rëndon sot sistemin atë të mungesës për shkak të procesit të “Vettingut”. Ndërkohë bashkëpunimi ndërkombëtar ka qenë në nivel optimale dhe ajo çfarë ne kemi marrë nga homologët tanë kanë qenë reagime pozitive. Për sa kohë numri i ekstradimeve është i lartë mbetet tregues i qartë që ky bashkëpunim është në nivele të kënaqshme”, u shpreh më tej ai