Para Këshillit të Lartë të Prokurorisë ka dalë kandidati për postin e kryeprokurorit Olsjan Çela. Ai tha se prokuroria tashmë është në një fazë të thellë transformimi,ndërsa vuri theksin se ILD dhe KLP janë institucione të rëndësishme.
Ai tha se prokuroria ka probleme të vjetra, si hetime të dobëta, ndërsa i cilësoi të paefektshme politikat penale të cilat sipas tij kanë sjellë mungesë të besimit të publikut. Çelaj tha se prokurorët realisht nuk janë të pavarur.
“Prokuroria e Përgjitshme duhet të ndryshojë në një strukturë dinamike inovatore, bashkëpunuese dhe ndërvepruese e aftë të prodhojë ide për partnerët vendas dhe të huaj. Hapi i pare është ristrukturimi i pjesshëm i saj dhe të fokusohet në monitorimin e shkeljeve te ndryshme etikes profesionale, sigurimin e aksesit të publikut dhe komunikim permanent me median. Prokuroria ndodhet në një fazë transformimi më të thellë. Ka një mungesë të meritokracisë në promovimin e prokurorëve”, tha Çela para KLP.