Protagonizmi i Luiz Ejllit në “Big Brother Vip” ka shkaktuar debate, sulme dhe dinamika të shumta.
Shumica e banorëve i janë kundërvënë në një mënyrë shumë të ashpër këngëtarit. Një prej tyre është edhe Olta Gixhari, e cila, me tone të larta, shprehet e bindur që Luizi do të largohet nga shtëpia dhe nuk do ta prekë finalen.
“Po nuk dal unë o burrë. Nuk dal unë, sa të jesh ti në këtë shtëpi unë nuk dal. Kur të dalësh ti, atëherë, po, mund të dal unë. Në qoftë se ti del këtë javë, atëherë unë do të filloj të frikësohem që mund të dal edhe unë. Sa të jesh ti në këtë shtëpi Luiz unë nuk dal. Ti nuk e fiton kurrë. Unë nuk të konsideroj fare si lojtar ty more. Ta kam thënë dhe është e disata herë që po ta them. Ti nuk e fiton kurrë këtë “Big Brother”, këtë mblidhe mirë.”