Ilir Meta vlerëson se megaoperacioni “Tempulli, ku u kapën mbi 200 shpërndarës dhe përdorues të lëndëve narkotike, ishte përpjekje propagandistike për të shmangur arrestimin e Amant Josifit, ish-këshilltar i ish-ministres Olta Xhaçka, i cili u kap në Dubai për llogari të autoriteteve spanjolle, për mashtrime me Call Center.
Kreu i Partisë së Lirisë shprehet se ky rast tregon se kush është i lidhur me nivelet më të larta, gëzon anashkalimin e drejtësisë dhe të institucioneve.
“Ishte një lajm pozitiv aksioni për kapjen e personave shpërndarës të drogës. Ajo që ishte interesante ishte përpjekja për të shmangur një lajm të rëndësishëm, arrestimi nga autoritetet spanjolle i ish-këshilltari i ish-ministres së mbrojtjes dhe ish-partner i vëllai të kryeministrit për një aferë skandaloze të përmasave 2.4 miliardë euro ku epiqendra e këtij aktiviteti ishte Shqipëria dhe roli kyç që kishte pasur ky individ. Atë që nuk mund ta bëjë drejtësia e shteti i kapur nga Edi Rama e bëri drejtësia spanjolle. Kjo tregon kush është I lidhur me nivelet më të larta gëzon anashkalimin e drejtësisë dhe të institucioneve.”