Të gjithë 30 personat e arrestuar në kuadër të operacionit të madh antidrogë, të zhvilluar në orët e para të së hënës në 7 bashkitë e qarkut Elbasan, janë transferuar drejt qendrave të paraburgimit në Tiranë. Transferimi u krye nën masa të forta sigurie për shkak të numrit të lartë të të ndaluarve dhe mungesës së kapaciteteve lokale.
Policia e Elbasanit njoftoi se në operacionin koduar “Rrjeti” morën pjesë 490 efektivë, të mbështetur nga 5 drone, dhe u kontrolluan 52 banesa dhe 18 lokale në qytetet Elbasan, Cërrik, Peqin, Belsh, Librazhd, Prrenjas dhe Pogradec.
Mes të arrestuarve ishin biznesmenë, furnizues, drejtues dhe anëtarë të grupeve kriminale. Ata u transportuan në Tiranë me autobus të posaçëm, nën shoqërim të policisë, për shkak të mungesës së kapaciteteve në Elbasan.
30 persona u vunë në pranga për trafik droge dhe shpërndarje lëndësh narkotike. Një grup kriminal u shkatërrua plotësisht, ndërsa tre të tjera u goditën rëndë. U sekuestruan kokainë, heroinë, kanabis, armë zjarri dhe municione, si dhe 51 milionë lekë dhe 15,000 euro