Specialistë e drejtues të OSSH Burrel kanë përballuar sot një ditë të vështirë teksa kanë riparuar në kohë reale dëmtimet e shkaktuara nga moti i keq në rrjetin e shpërndarjes në rrethet Kurbin, Mirditë, Dibër, Bulqizë e Mat.
Drejtoria e OSSH Burrel njoftoi se elektriçistët dhe specialistët e tjerë kanë qëndruar në gatishmëri dhe kanë përballuar me sukses situatën e krijuar.
“Grupet e OSSH #Burrel duke punuar për riparimin e defekteve në linjat e tensionit të mesëm dhe të ulët në zonën e Bulqizës, Burrelit dhe Mirditës, që u dëmtuan nga stuhia e erës dhe reshjet intensive të shiut. Aktualisht të gjitha linjat janë nē punë dhe vijon furnizimi normal me energji elektrike”, thuhet në njoftimin e OSSH Burrel.
