OST ka njoftuar se prej mëngjesit të ditës së sotme, rreth orës 09:40, ka pësuar avari linja 110 kV Ulëz-Shutri-Kurbnesh. Si pasojë kanë mbetur pa energji nënstacionet Shutri e Kurbnesh që menaxhohen nga kompania OSHEE.
“Sipas grupeve tona në terren mësohet se shkak i defektit është moti i keq, ku raportohen këputje përcjellësash në linjën në zonën e quajtur Kodër-Laç. Pa energji kanë mbetur disa fshatra në Mirditë e Mat: Lekgegaj, Bardhaj, Përlikaj, Lufaj, Ndreaj, Hasanaj, Dodebibaj, Bruç, Prell, Laç,Rremull, Urakë, Derjan, Rukaj. Lëkunde, Macukull, Shelli, Urxallë, Dukagjin, Shtjefën, Barbullej, Gjoçaj, Kurbnesh, Kumbull, Zajs, Hec Kumbull, Merdhoq, etj”, sqarojnë drejtuesit e OST-së.
Reshjet e dendura të dëborës, rrëzimi i pemëve dhe shkarjet e tokës kanë shkaktuar dëmtime serioze në linjat e transmetimit të energjisë elektrike.