Në Kuvend pritet të rikthehet amnistia e të burgosurve, e cila mbeti pa miratuar vitin e shkuar për shkak të bojkotit të opozitës.
Ka qenë vetë ministrja e Drejtëisë Etilda Gjonaj që ka konfirmuar këtë fakt për Ora News. Ajo thotë se tashmë që në Parlament ka ardhur pjesa tjetër e opozitës po shihet mundësia e rikthimit të amnistisë.
Kujtojmë se për miratimin e tij duhet shumicë e cilësuar votash, pra 84 vota. Kjo është e mundur tashmë që një pjesë e mirë e listës së kandidatëve për deputetë të opozitës kanë pranuar mandatin.
“Për shkak të mungesës së opozitës dhe mungesës së vullnetit të tyre për të miratuar një amnisti, që miratohet me shumicë të cilësuar ka ngelur e pamiratuar. Por tani që opozita, pjesa tjetër ka ardhur, do ta rishikojmë idenë sesi mund ta kalojmë sërish në parlament për miratim”, ka thënë Gjonaj për Ora News.