Opozita paralajmëron se do të protestojë mbrëmjen e sotme deri në mesnatë.
Ajo ka kërkuar leje për të mbajtur tubimin e saj, por policia i ka dhënë leje deri në orë 22:00, pra për dy orë.
Tubimi vjen në një situatë tejet të tensionuar pas nxjerrjes së përgjimeve nga gazeta gjermane Bild dhe sulmeve ndaj KZAZ-ve nga zyrtarë të bashkive të drejtuara nga opozita dhe militantët, ndërsa shumica shprehet e vendosur për të zhvilluar zgjedhjet, pavarësisht se Presidenti Ilir Meta anuloi dekretin për 30 Qershorin.