Konferenca e kryetarëve po diskuton futjen në procedurën parlamentare të Rezolutës për Mirëqeverisjen dhe Luftën kundër Korrupsionit.
Mësohet se rezoluta do të votohet në seancën plenare të së hënës vetëm me votat e mazhorancës pasi opozita është kundër.
Kreu i grupit parlamentar të PD, Gazment Bardhi dhe nënkryetari i Kuvendit Agron Gjekmarkaj nuk marrin pjesë në konferencë pasi ndodhen jashtë vendit, por demokratët e drejtuar nga Sali Berisha kanë vendosur të votojnë kundër rezolutës.
Në konferencën e kryetarëve merr pjesë kryetarja e Komisionit të Integrimit, Jorida Tabaku e cila gjithashtu është shprehur kundër rezolutës.
Jorida Tabaku: Më vjen mirë që lufta kundër korrupsionit duhet ndryshojë dhe qeveria pranon që kemi një korrupsion endemik dhe sot ekziston në të gjithë institucionet. Tani kush ka folur e paska pasur të drejtë
Rezoluta që ju propozoni çon miratimin e ngritjes së një komisioni të posaçëm dhe disa elementë që ne mendojmë se kanë nevojë për një debat më të gjerë se sa debati në kuvend.