Kreu i opozitës Lulzim Basha është takuar paraditen e sotme me delegacionin e Komisionit të Venecias, pas së cilës tha se është biseduar lidhur me lëvizjet e fundit të qeverisë pa pritur ende një vendim të Venecias.
“Lëvizjet e çoroditura të një pushteti i cili nuk pyet as për Venecian po ka çuar për miratim masa të tjera që forcojnë kapjen e shteti, kapjen e drejtësisë. kjo e ka cuar vendin në kolaps total. Kjo nuk është demokraci, nuk është shteti ligjor”, tha Basha.
I pyetur nga gazetarët se kreu i qeverisë është shprehur se zgjedhjet do të jenë në 2021, Basha tha se nëse pala tjetër do të përdorë pushtetin në mënyrë të paligjshme, opozita dhe qytetarët do të marrin vendimet që i takojnë një shoqërie evropiane, duke nënkuptuar kështu dhe rikthimin e protestave.
“Zgjidhja që ne kërkojmë nuk e kërkojmë për veten tonë. Ne sakrifikuar gjithckca për ti hapur rugë një zgjidhje politike për shqiptarët. Nëse pala tjetër do të vazhdojë të përdorë në mëyrë të paligjshme pushtetin e paligjshëm, paratë e pista të krimit të organizuar dhe të vendosë interesat e pushtetit të vet dhe atyre që ka në pushtet atëherë opozita bashkë me qytetarët do të marrin vendimet që i takojnë një shoqërie evropiane për t’u përballur me një grusht njerëzisht që ka marr peng vendin”, tha ai.