Optimizmi nga Joe Biden për marrëveshjen e armëpushimit në Gaza, reagon Hamasi: Po shesin iluzione

Hamasi i ka përshkruar sugjerimet për përparim në një marrëveshje armëpushimi Izrael-Gaza si një iluzion, pasi presidenti i SHBA, Joe Biden tha se ndihej “optimist”. Pas dy ditësh bisedimesh të mbështetura nga SHBA në Katar, Biden tha të premten “ne jemi më afër se kurrë”. Një zyrtar i lartë i Hamasit i tha BBC-së se nuk kishte pasur përparim dhe ndërmjetësit po “shisnin iluzione”. ”Administrata Biden po përpiqet të tregojë se mjedisi është pozitiv. Por raundi i parë tregoi se nuk ka përmirësime”,- tha ai. Izraeli tha se vlerëson përpjekjet e SHBA dhe ndërmjetësve për të bindur Hamasin nga refuzimi i tij për një marrëveshje për lirimin e pengjeve.