Me anë të një njoftimi për mediat, Prokuroria pranë Gjykatës së Shkallës së Parë të Juridiksionit të Përgjithshëm, Korçë, ka bërë të ditur se po heton inspektorin A.L i dyshuar për veprën penale “Shpërdorimi i Detyrës”, sa i përket ngjarjes ku mbeti i vrarë Egli Proga pak ditë më parë në Pogradec. Sipas Prokurorisë, inspektori nuk mori asnjë masë për të dokumentuar apo bërë prezent shkakun e vdekjes së Egli Progës.
“Prokuroria pranë Gjykatës së Shkallës së Parë të Juridiksionit të Përgjithshëm Korçë merr nën hetim shtetasin A.L. i dyshuar për veprën penale “Shpërdorimi i Detyrës” parashikuar nga neni 248 i Kodit Penal.
Shtetasi në fjalë me detyrë Inspektor, Trupë Shërbimi, Patrullë e Përgjithshme rezulton se nuk mori asnjë masë për të dokumentuar apo bërë prezent shkakun e vdekjes së shtetasit E.P. më 10.08.2024 në Pogradec”.