Tashmë është profilizuar mirë në profesionin e moderatores, dhe prej 5 vitesh nuk e shohim më si këngëtare. Flasim për Orinda Hutën, e cila ka vendosur të kthehet sërish në muzikë.
Në një intervistë për “Mirage” ajo ka rrefyer se ka kohë që përgatitet për të sjellë një projekt të ri, por edhe pse ka një këngë të përfunduar me Armend Rexhepagiqin dhe Aida Barakun, kanë rënë dakord se ajo këngë nuk do të dalë kurrë.
Nga ana tjetër, zbuloi se është prej muajsh në tentativë për të sjellë një këngë të krijuar nga Pirro Çako, mirëpo ende nuk ka shkuar ta dëgjojë:
“Pirro thotë që duhet të vish ta dëgjosh këngën, se ndryshe s’bëhet”, u shpreh ajo duke qeshur.
Kjo do të ishte kënga e parë e Orinda Hutës që nga “Te Amo” në bashkëpunim me Luis në 2014-ën.