Debati për Reformën Zgjedhore që shkaktoi kaos sot në sallën plenare në Parlament, është zhvendosur në tryezën e përbashkët që po organizohet nga OSBE. E gjithë zanafilla ka qenë se kush do të marrë fjalën, e ndërsa më i ashpër ka qenë Pano Soko, nga “Nisma Thurrje”.
Fillimisht fjala iu dha deputetes demokrate Jorida Tabaku, por Enkelejd Alibeaj nuk e lejoi, e ndërsa këtu ndërhyri Soko duke thënë se duhet të dëgjohen zëra të tjerë, për shkak se deputetët mund të flasin në Kuvend.
“Ne nuk e diskutojmë këtë çështje se s’ka pasur mundësi për t’u bërë, Gjiknuri aty ka qenë, pse se ka bërë, ne sot e kemi peshkun në det, tiganin në zjarr, ato mund të flasin në Komision, të rrimë t’i dëgjojmë në parlament, t’i dëgjojmë edhe këtu”, tha Soko.
Pjesë nga debati:
Alibeaj: Nuk është thjesht kaq. Do flas unë se jam bashkëkryetar.
KQZ: Ne nuk funksionojmë me modelin e parlamentit edhe pse sot është e enjte.
Alibeaj: Jam unë bashkëkryetar dhe unë do flas tani.
KQZ: Ok, meqë zonjat tolerojnë më shumë, niseni ju.