Anëtari i Këshillit Kombëtar dhe artisti Osman Mula ka shprehur kritikat e tij për ish-kryeministrin Sali Berisha. Pas mbledhjes, Mula i është drejtuar me një letër Berishës, ku ndër të tjera i thotë se “jemi të braktisur”.
Sipas Mulës, Berisha duhet të dalë dhe t’u thotë demokratëve se cili është projekti i ri ardhjes në pushtet.
Po ashtu artisti sugjeron Berishën që të ndërtohet një senat me njerëz të zotë, intelektualë, pedagogë dhe juristë.
“Edhe oponencën po na e bëjnë 3 a 4 gazetar qe s’na kanë asgjë borxh por po e bëjnë thjesht për kurajon e tyre qytetare. Një bravo të madhe.
Nejse kalojmë në hallet tona. Ne kemi shumë gjera të papërcaktuara. Të ndarë, me një elektorat të lodhur i cili ka humbur besimin me të drejtë ,pa shpresë dhe pa punë, të cilët nuk kanë më dhe besim!
E majta i ka të gjithë institucionet, të gjitha pushtetet bile dhe një pjesë të PD të organizuar me të gjithë data-bazat bile dhe tonin e dimë se sa lugë kemi ne shtëpi. Tani Edi e sheh veten si udhëheqës global, sheh ëndrra si Çaplini në rolin e Hitlerit që sillte nëpër këmbë globin botëror.
Mire po dhe ne nuk po shohim qe po hynë a dalin diplomatë apo parti si motra, që të flasim për investimet e të nesërmes. Çfarë presim? Japim deklarata, flasim ne parlament na thonë mbylleni jeni non-grada etj.
Ne sot jemi të braktisur doktor. Dilni dhe thojini demokratëve se cili është projekti i ri ardhjes në pushtet, cili do jetë emri, bashkëbisedimi si Foltorja pasi seriali i dytë pas foltores ishte i dobët doktor.
Po të jap një sugjerim doktor meqë jam anëtar i Këshillit Kombëtar. Ndërto një senat me njerëz të zotë. Me intelektual akademik historianë, juristë, psikologë, se këta nuk futen për interesa vetjake për t’u bërë deputet”, është shprehur Mula.