Në Parlamentin Evropian, presidentja e Kosovës, Vjosa Osmani u është drejtuar serbëve në veri të vendit duke thënë se Republika e Kosovës është shtëpia e tyre. Osmani i’u bëri thirrje të gjithë serbëve të Kosovës, që t’i shfrytëzojnë të drejtat e tyre që ua garanton Kushtetuta e vendit.
“Republika e Kosovës është shtëpia juaj. Do të bëjmë gjithçka që mundemi që të sigurohemi se ndiheni të përfshirë”, ka thënë Osmani. Po ashtu Osmani ka thënë se integrimet euroatlantike janë synimet e vetme të Kosovës.
Osmani tha edhe se Kosova mbetet e vendosur që drejtësia të vihet në vend për të gjithë dhe se individët të mbahen përgjegjës për të gjitha veprimet e tyre.