Padi milionëshe ndaj Linde, katër banka gjermane kërkojnë dëmshpërblim për projektin e dështuar në Rusi
Katër banka gjermane kanë paditur kompaninë industriale Linde, duke kërkuar qindra milionë euro dëmshpërblim për humbjet e lidhura me një projekt të madh të gazit natyror të lëngshëm (LNG) në Rusi, i cili u ndërpre pas vendosjes së sanksioneve perëndimore.
Sipas mediave ndërkombëtare, bankat pretendojnë se pësuan dëme financiare pasi kishin ofruar garanci për projektin, ndërsa tërheqja e Linde nga Rusia pas pushtimit të Ukrainës solli pasoja të konsiderueshme ekonomike. Çështja tashmë do të zgjidhet në gjykatat gjermane.