Kreu i Partisë Demokratike Lulzim Basha e ka quajtur akt të ulët që na turpëron të gjithëve padinë e kryeministrit Edi Rama ndaj homologut të tij kosovar, Ramush Haradinaj.
Në një postim në Facebook, Basha thotë se kjo pseudo-padi meriton refuzimin dhe revoltën legjitime.
POSTIMI I BASHES
Pseudo-padia e Edi Ramës ndaj kryeministrit të Kosovës është një perversitet i shëmtuar anti-kombëtar. Është turp i pakapërdishëm që Ramush Haradinaj, pas gjakut të tij dhe familjes së tij për çlirimin e Kosovës, pas betejave me akuzat e montuara të Beogradit, të përballet me pasojat e degjenerimit dhe vasalitetit të Edi Ramës. Ky akt i ulët që na turpëron të gjithëve meriton refuzimin dhe revoltën legjitime ndaj një kryeministri të dështuar fund e krye dhe ndaj falimentimit të tij politik dhe moral para Shqipërisë dhe mbarë kombit shqiptar.